Voss Eigedom AS

1. Voss Eigedom skal på kommersielt grunnlag drive med eigedomsrelatert verksemd. Selskapet skal ha fokus på langsiktig verdiskaping for eigar, og skal samstundes ta i vare samfunnsansvaret det har som handlingsorgan for kommunen sin arealpolitikk. Voss Eigedom skal vere ein pålitelig, serviceinnstilt og miljøbevisst eigedomsaktør og samarbeidspartnar. 2. Selskapet skal bidra til å utvikle og realisere kommunen sine planar for eigedomsutvikling, og elles ta i vare kommunen sine forretningsinteresser i utviklingsområda. 3. Selskapet skal eige og drifte bustadeigedomar og næringseigedomar i Voss kommune. 4. Selskapet skal vere kommunen sin marknadsførings- og salskanal for kommunal eigedom som skal utviklast, seljast eller leigast ut. 5. Selskapet kan førestå oppføring av bustadar i samsvar med kommunen sin bustadpolitiske handlingsplan. 6. Selskapet kan stå for oppføring og utleige av næringsbygg, og drive eller delta i anna verksemd som har som føremål å fremje næringsutvikling.