Investeringsstiftinga Hardanger og Voss

Investeringsstiftinga Hardanger og Voss er ei politisk uavhengig og ålmennyttig stifting. Stiftinga sitt føremål er å bidra til nyskaping og vekst i Hardanger og Voss, gjennom investeringar i såkornfond og andre investeringsinitiativ i Hardanger og Voss. Stiftinga skal bidra med kapital, kompetanse og nettverk. Stiftinga kan berre investera i selskap med forretningsadresse og verksemd i Hardanger eller Voss. Stiftinga skal ha høve til å samarbeide med andre investorar samt nærings- og forskingsaktørar. Stiftinga skal også kunne gje stipend, støtta kompetansetiltak og gje gåver til organisasjonar eller andre verksemder som stimulerer til næringsverksemd og lokalt entreprenørskap på generelt grunnlag, uavhengig av stiftinga sine konkrete investeringar, samt kunne gje gåver til forsking, utdanning og anna ålmennyttig aktivitet i regionen.