VESTLANDSREVISJON IKS

Vi er ekspertar på revisjon!

Vestlandsrevisjon IKS er eit interkommunalt revisjonsselskap stifta av eigarkommunane i 2020 med røter frå dei to tidlegare revisjonsselskapa Indre Hordaland Revisjonsdistrikt og Nordhordland Revisjon IKS, som begge har lang historie og kjennskap til kommunane bak seg. Revisjonsselskapet arbeider både med offentleg revisjon av kommunar og revisjon av øvrige selskap i marknaden. Vi er ein totalleverandør og utfører rekneskapsrevisjon, forvaltningsrevisjon og eigarskapskontroll for kommunane, samt revisjon for ei rekke sjølvstendige kommunale- og interkommunale selskap samt øvrige selskap.

Gjennom mange års samarbeid med kommunar, selskap og øvrige kundar i distriktet, har vi bygd opp god lokal kunnskap. Vi har kontor i Knarvik og på Voss. Vi ønskjer å levere revisjons- og rådgjevingstenester med høg kvalitet samtidig som vi vektlegg eit godt samarbeid og god dialog med eigarkommunane og dei øvrige kundane våre. Fleksibilitet, kvalitet og stabilitet i revisjonsteamet over tid er nokre av styrkane våre. Våre tilsette har utdanningsbakgrunn innan blant anna revisjon, økonomi, juss, administrasjon og leiing. Selskapet sine revisorar opprettheld kompetansen gjennom obligatorisk etter- og vidareutdanning.